Неўзнакі, неўзаметкі —
Хоць сам скажу сабе —
Пасохлі мае кветкі,
Канец маёй сяўбе.
Штодзень я адчуваю
Усясільны той закон,
Што цягне к долу-гаю
У вечны цень-палон.
Ну што ж? Пажыў, пабродзіў,
Дарог прамераў шмат.
Стаміўся ты ў паходзе —
Спачынь жа ў зямлі, брат!
I сам я не пабачу,
Як згасне мой агонь.
Дык што ж? Хіба паплачу,
Падпёршы ціха скронь.
Мяне ў жывых не стане,
Сыду я ў небыццё,
Ды вечна будзе ранне,
I песні, і жыццё.
Апошнiя водгукi
2 года 23 недели назад
4 года 48 недель назад
5 лет 1 день назад
5 лет 43 недели назад
5 лет 49 недель назад
6 лет 5 недель назад
6 лет 9 недель назад
6 лет 21 неделя назад
6 лет 30 недель назад
6 лет 47 недель назад